NAYPYI DAW MISSION
Naypyidaw Missionary field cu Pastor John Za Thleng, Missionary U Thein Htun chungkhar le Naypyidaw ummi pastors cheukhat sawm in June 21, 2017 ah thlacamnak in rak thok asi. Myanmar Mission Director tiin minung pakhat (Rev. Hrang Kulh Lian) cu May 2018 in fulltime in kan lak. Amah hi Naypyidaw ah March 30,2019 in riantuan hram athok. Nihin ah cun Khrihfabu in adir cang I, Evangelical Baptist Church, Nayphyidaw tiah auh asi. Kum 4 chung ah, zumlotu in zumtu thar acangmi minung 25 renglo an si.
Saya U Thein Htun (2017 - Present)
Rev. Hrang Kulh Lian (2018 - Present)
.jpg)
Paletwah Mission
July 1, 2013 in International Chin Baptist Mission, USA timi nih ICBM rian cu rak thok a si. Cu ICBM hruainak tang ah, CEBC zong , Athetbalaing,Paletwah peng, mission field pakhat in August 2015 in kan tuan. Athatbahlain khua inn 82, minung in 407 an um. Pakhatnak missionary Saya Siang Lawm Hmung a si. 2013 in a phan, a mah tein a rak tuan hmasa. 2015 -2018 tiang kan mah he kan tuan ti. Sep.03, 2018 – nihin tiang, Sayamah Biak Tha Par nih avan chawn. Nihin tiang members hi 102 an si I chungkhar in 19 an si. 2016 in biakinn dot 2 in sak kan thok I, Dec.31,2017 ah biakinn luhnak kan ngei. Kyats 15,000,000 kan dih. Hi khrihfabu chung in Hakha ah minung 3 bible sianginn an kai cang.
Saya Siang Lawm Hmung (2013 - 2018)
.jpg)
Sayamah Biak Tha Par (2018 - Present)
PEPADUNG KHUA , ANN TOWNSHIP
Rakhine state, Ann Township, Milawngchaung khua, laimi inn 80, kawlmi inn 40, an zapi inn 120 an si. May 13, 2021, 12 PM – 2 :00PM ah, Rev. Hrang Kulh Lian -CEBC, Myanmar Mission Director, Rev.Kyaw Lwin-ICBC Ann Township, ICBM Director le Saya Taung Pan -Missionary chungkhar hna tiin Pathian sin channak le mission field thar onnak an ngei kho. Kan Missionary cu Saya Taung Pan asi, a nupi hi Daw San Da le an fale pa pahnih, fanu pakhat an si. Kan missionary chungkhar hi Asho Chin an si. Amah hi missionary training kum 1 sianginn a kai cang mi a si. Cun kum 3 chung mission rian a rak tuan bal mi asi. Hi khua hi Ann Myo in meng 6 hrawng lawng aa hlat, Ann tiang vanlawng a phan kho. Ann in mission field hi motor tha tein a phan kho, umkalnak ah a tlamtling ngaingai. Cun hika khua ah missionary dangdang, khrihfabu le pastors tibantuk a hohmanh an um loh.
Hi khuachung ah khrihfa Inn 2 an um an ti.Cu lo poah cu Budish an si dih. Kan Chin miphun inn 80 renglo Budish biaknak an biak, zingchair tein pura hmai an kun, phungki rawl an chanh mi hna kan hmuh hna tikah lungthin a kekkuai, an thlarau lei kan siaherhnak le zawnruahnak zong a fak khun ko. Hika hmun hi ICBM, CBCUSA theihpinak le blessing peknak in, CEBC nih Mission field thar kan thok mi le kan tuanmi asi.
Saya Taung Pan
%202018%20-%20Present.jpg)
Thantlang Health Care Charity
Thantlang mizaw bawmhnak hi Dr.Hmuh Thang ( Bethsaida Clinic - 2013) Sikhan ah siseh, TBC tuahmi Bethel Clinic (2012) ah siseh, Cozah siizung (2016) hrawng in chaw le va in mizaw harsa bawmhnak rian cu kan rak tuan. Thantlang khua hi a thangcho ngaingai, thil sining tampi aa thleng, inn 1800 hrawng an um. Cun cozah sizung a thangcho, private siikhan a tla, cozah siizung ihkhun 50 renglo a si. Siibawi te 6 hrawng an um. Khual in, lai in cozah siizung panhmi an tam. Bawmhhau, zohkhenh hau, thithruai hau an tam. Thlachair siizung phanmi 120- 180 hrawng an si. April 17, 2018 in Thantlang cozah siizung lawlaw ah JMBC khrihfabu bawmhchannak in Thantlang Health Care Charity tiin riantuan hram kan thok. Caantling riantuantu Saya Thawng Tha Hmung kan lak . Nichiar an thawhka, an ih lai ah thlacampiak, bible relpi, thazaangpek, pumnak le an herhmi tawlrelpinak kan ngei hna. Siizung cikkhat ruak suannak tibantuk zong Hall tha tein kan sak khawh ah cun timhlamh kan duh. Hall nih riantampi tuankhawhnak alam a kan bawmh ngaingai te lai.
Saya Thawng Tha Hmung (Chaplain)
2018 - Present
.jpg)
THM Chapel Hall