General Information
Chin Evangelical Baptist Church, Indianapolis (CEBC-INDY) khrihfabu 5610 South Meridian Street, Indianapolis, IN 46217 (USA) ah aum mi khrihfabu asi. August 20, 2000 ah Pathian nih minung 12 hna hmang in a rak thokmi khrihfabu asi. 2021 CEBC chungtel cu minung 3190 kan si i chungkhar in 921 kan si. Zarhpi ni chun 12: 30 PM- 3:00PM ah khrihfa bupi pumhnak kan ngei. Cun cawn nithum zaan 6:00PM- 8: 00 PM tiang buupi pumhnak kan ngei. Mah le ministry hoih in pumhnak le cawlcanghnak ngeih cio asi.
CEBC Khrihfabu Tuanbia
Khrihfabu thokkum: CEBC- INDY Khrihfabu cu Pathian nih Indianapolis khua i a rak phan hmasa mi lai miphun caah a rak thokmi le arak dirhmi asi. Hi khrihfabu a dirtu le angeitu cu Pathian asi. August 20, 2000 ni ah Rev. James Sangawi hruainak in upa 9 le ngakchia 3 nih Pathian sin ap nak an rak tuah. A hramthawk ah a rak i telmi upa hna.
Khrihfabu chungtel hmasa hna: Rev. James Sangawi, Pastor Thlaawr Bawihrin, Pastor Nguniap Mualcin, Pu Thla Hei, Pu Daniel Sakhong, Pu Thanchawn Thlaceu, Pu Thlasui Tluangneh, Rev. Dr. Thawngling Mualhlun, le Pi Sung Khen le an fale pathum hna an si.
Rakthoknak hmun le hma: Avoikhatnak le a hmasa bik rakpumhnak cu 621 Turtle Creek North Drive #10, Indianapolis, IN 46227 (Brook wood apt.) ah a si. Avoihnihnak: Sep. 24, 2000 ni ah a voihnihnak pumhnak tuah a si i, Bawipa Zanriah hmannak zong an ngei.
Amin ICCC tiah sak asi: Hi CEBC khrihfabu min hi ahramthok ah cun “ Indiana Chin Community Church – ICCC” tiah September 24, 2000 bunh le kawh arak si.
Thlakhat voikhat lawng in pumh arak si : August, 2000 - May, 2001 tiang hi thlakhat voikhat lawng in pumhnak tuah a si. June, 2001 thawk in zarhkhat voikhat pumhnak cu Woodland Baptist Church, Indianapolis ah thawk a si. June 17, 2001 ni pumh dih ah zapi tonnak zong tuah a si i, upa 25 an kai kho.
ICCC - CEBC tiah thlen asi: June 17, 2001 ah meeting tuah arak si, hi meeting a kaimi tamdeuh hnatlaknak in ICCC cu Chin Evangelical Baptist Church – CEBC ah thlen a si.
Kum 12 chung, mirang biakinn ah kan rak i pum : July, 2001 in February, 2006 tiang Southport Baptist Church ah kan i pum. February, 2006 - September, 2012 tiang Southport Presbyterian Church ah kan i pum. Cu hnu ah nihin kan Biakinn ah kan hon i ṭhial hi a si.
CEBC Biakinn: August 27, 2012 ah kan mah kut neh tein Biakinn sakmi Pathian nih akan pek. Minung a karh lei ah Pathian nih lam a kan hruai caah atu hi 8 million hrawng dih in, Multi-purpose Building (CEBC Life Center) kan sak i March 19, 2019 ah ai lim cang. Bawipa sin pekchanhnak cu August 25, 2019 ah hlunghlai taktak in kan tuah.
Pastor le Staff Hna: Pastor pali kan ngei. Kan senior Pastor Rev. Dr. Thawngling Mualhlun a si. Cun Associate Pastor John Za Thleng, Pastor Thawng Lian, Pastor Van Ṭha Kam Thang an si. Cun adang fulltime rianṭuantu hna cu - Christian Education Director caah Rev. Ram Maung le Office Secretary (Zung cazi) cu Pu Thawng Lian Thang hna an si. Cun, Biakinn zohkhenhtu (Custodian) cu Pu Johan Duh Peng a si.
Church Member: Bawipa dawtnak le lamhruainak thawng in CEBC chungtel cu minung 3098 kan si (as of December 29, 2019). Church School akaimi kan fale hi minung 750 hrawng kan si. Zarhpi ni chun pumhnak hi voithum in kan rak i pum nain December zarhkhatnak 2019 in cun voikhat ah kan zapi kan i pum cang.
Rev. Dr. Thawngling Mualhlun (Senior Pastor)
Amah kong: Rev. Thawngling Mualhlun cu tleicia Rev. Chan Thang fapa a si. A chuahkehnak cu Thantlang peng, Tlangkhua ah a si. Amah hi Chin mi, a hlei in Hakha-Thantlang lei ahcun USA a phan hmasat pawl a rak si i 1994 ah a rak phanh caah a tu a umnak hi kum-23 a si cang. August 20, 2002, CEBC, Indianapolis Pathian nih a rak dirh ka in nihin tiang Pathian rian a ṭuan cuahmah.
A cawnnak: Tangcheu in tangli tiang (SMS), Tlangkhua tangnga in tanghra SHS Hakha College University of Rangoon (1978 - 1982) B.Sc, Botany) B. D (Bachelor of Divinity) Myanmar Institute of Theology (Insein 1983 - 1986) M.Div (Master of Divinity) Sioux Falls Theological Seminary, USA (1994-1996).
A rianṭuannak: Church Pastor, Tlangkhua - March 1986 - 1992 Area Secretary (part-time), Khualhring Baptist Churches - March, 1986-1992 EC member, Thantlang Association of Baptist Churches -TABC (1986-1992) ECmember, Zomi Baptist Convention -ZBC (1986-1992) Principal, Union Theological School, Matupi (1992-94) Mobile Student- Pastor (part-time), Sioux Falls, SD, USA (February, 1994-96), Senior Pastor CEBC, Indianapolis (August, 2002 –present). Amah cu (2015 - 2018) tiang CBCUSA ah President zong a ṭuan cuahmah. Cun, Chin Community of Indianapolis zong ah (2017-2019) tiang Board of Directors chungtel pakhat a si.
A chungkhar: Rev. Thawngling Mualhlun cu a chungkhar he Indianapolis khua ah an um. A thaisungnu cu Pi Sungkhen Ling a si. Pathian nih fanu fapa rosung pali a pek hna i pa pahnih le nu pahnih an si. A fanu upabik cu Biak Sui Hluan a si caah dawtnak in Biakku pa ti zong ah kan auh.
Duhbikmi Baibal cang: A living sacrifice (Rom 12:1)
Pastor John Za Thleng (Executive Pastor)
Amah kong: Pastor John Za Thleng cu Thantlang peng, Hriangkhan khuami asi. Amah cu Pu Tin Hre (Hriangkhan) le Pi Hreng Cia ( Thantlang) hna I, an fale minung panga lak ah ahniang bik asi. July 17, 2011 ah USA a phan.
A Cawnnak: Amah cu January 13, 2007 ah Missionary Training School, Yangon in B.Th adih mi asi. 2017 in Crossroads Bible College ah Bachelor of Science in Pastoral and Ministry a dih hnu ah Indianapolis Theological Seminary ah Master of Divinity a cawn lio a si.
A rianṭuannak: 2007-2009 (Kum 3 chung) Johnson Memorial Baptist Church, Thantlang ah Church School Director in caantling riantuantu asi. 2009 – 2011 tiang Malaysia ah aum. 2012 – present tiang Chin Evangelical Baptist Church , INDY ah caantling in, Associate pastor rian atuan cuahmah mi asi.
A chungkhar: Pastor John Za Thleng cu a chungkhar he Indianapolis khua ah an um. 2015 April 27 ah nupi angei, anupi cu Pi Esther Sung (Thau) khuami asi. Anu le apa cu Pu Kung Thang Ling ( Thau, Thantlang peng) le Pi Far Pum (Salen, Thantlang peng) i an fanu upa bik asi. Fapa pahnih le fanu pakhat an ngei i, an min ah Paul Bawithathawng, James Cungbawithawng le Anna Dawtcin Sung an si. Dawtnak in Thawng Thawng pa tiah kan auh.
Rev. Thawng Lian (Associate Pastor)
Amah kong: Rev. Thawng Lian cu tleicia Pu Hmun Ṭhio le Pi Rem Iang hna i an fapa a si. Unaurual chuak pasarih lak ah a pathum nak a si. A chuahkehnak cu Thantlang peng, Hmunlipi khua ah a si. Amah hi 2007 ah a Indianapolis, USA a rak phan.
A Cawnnak: (2012-2016) Indiana Bible College in Bachelor of Theology (B.Th.) a dih mi a si.
A rianṭuannak: Rev. Thawng Lian cu (2007- 2014) tiang CEBC, Indianapolis ah Khrihfa upa a rak ṭuan. Cun, (2009- 2010) tiang building Chairman ah a rak ṭuan. (2010- 2016) tiang Myanmar Mission International (MMI) ah Chairman a rak ṭuan mi a si. Amah cu atu lio Indianapolis, USA CEBC ah Associate Pastor a ṭuan cuahmah lio a si.
A chungkhar: Rev. Thawng Lian le a chungkhar hna cu Indianapolis khua ah an um. A thaisungnu cu Pi Ca Iang a si. Pathian nih fanu fapa rosung pathum a pek hna i pa pakhat le nu pahnih an si. A fapa upabik cu Bawi Ṭha Peng a si caah dawtnak in Bawi Ṭha Peng pa ti zong ah kan auh.
Pastor Van Ṭha Kam Thang (Associate Pastor)
Amah kong: Salai Van Ṭha Kam Thang cu Thantlang peng Tlanglo khua mi a si. Pu Biak Hnun le Pi Cer Zi hna nih fapa pali an neihmi hna lakah upabik a si. August 06, 2010 ah Indianapolis–USA cu an chung tein an rak phan.
A Cawnnak: 2005 - 2007 ah Kalay University in B.Sc (Bachelor of Science in Physics) a dih hnu ah, (2012 - 2016) Crossroads Bible College, Indianapolis, USA ah Associate of Arts in Christian Ministry (A.A), Bachelor of Science (Leadership and Ministry-Pastoral Studies) zong a dih. A tu hi Indianapolis Theological Seminary ah Master of Divinity (M.Div.) a kai cuahmah lio.
A rianṭuannak: Salai Van Ṭha Kam Thang cu (2012 - 2014) tiang CEBC, Indy ah Mino Secretary le (2015 - 2016) tiang Mino Chairman a rak ṭuan. Amah cu (2010 - 2016) tiang Sunday School saya zong a rak ṭuan i (2016 - 2018) tiang Christian Education Director a rak ṭuan. 2018 October in a tutiang pastor dirhmun in rian a uan cuahmah. Amah cu Chin Community of Indianapolis zong ah 2017-2020 tiang Board of Directors Secretary zong a ṭuan lio a si.
A chungkhar: Amah cu June 17, 2017 ah Mai Ṭha Dang Hnem he innchung khar an dirh i 2018 May 21 ah fanu rosung Anastasia Dawt Hlei Par le 2021 March thla ah fapa rosung Ayden Bawi Pek Lian Bawipa nih a pek.
Rev. Ram Maung (Children Ministry's Pastor)
Chuahkehnak: Tlangpi khua,Thangtlang Peng, Chin Ramkulh ah Pu Tei Ir (tleicia) Le Pi Len Cuai (tleicia) hna nih neih mi hna nu 6 le pa 2 hna lak ah a hniang bik chang asi.
A Cawnnak: Hakha No.1 Hight School in a awn hnu ah Advancing Christ Theological Seminary (ACTS) Rangon in Bachelor of Theology (B.Th) a dih i Baharat Bible College, Second Andhra Pradesh State ah Bachelor of Divinity a dih.
Riantuannak: (2000 - 2006) tiang Church On The Rock Khrihfabu (COTR) Pastor dirhmun in Satawm Kalaymyo, Sagaing Division le Tamu myo Sagain Divison ah Pastor a ṭuan. Kalaymyo a um chung ah Chin School of Evangelism ah Lecture a ṭuan chih. Tamu Myo chung Khrihfabu hna i funtomnak bu Tamu Christian Fellowship ah kum 2 chung Chairman dirhmun in le Secretary Kum 11/2 a ṭuan hnu 2006 donghlei ah Malaysia a phan. 2009 ah USA a phan i April thla 2014 ah CEBC Indy ah chungtel sinak a lak. Kum 2 chung (2015 - 2016) Christian Education Department ah Chairman dirhmun in Pathian nih a rian a rak hrawmh hnu ah (2017 - 2018) kum 2 chung Church Chairman dirhmun in Pathian nih a rian a hrawm ṭhan mi a si. 12/01/2018 in Khrihfabu biakhiahnak le lungtlinnak in Christian Education Director dirhmun in Patian nih a rian a rawm cuah mah mi a si.
A Chungkhar: 2000 kum ah Kalaymyo khuasa Pu Hning Kam le Daw Khaw Mine hna i an fanu Pi Cia Nu he Pathian sin ah kutsih thlacamnak an rak tuah. Fanu 2 le fapa 1 hna he chungtling tein Indianapolis ah khuasa mi an si. An fa le hna cu Ruth Mang Bawi Dim. Paul Dawt Bawi le Elizabeth Van Dawt Hniang hna hi Patian nih rosung a hrawmh mi hna an si.
Saya Za He Lian (Director of High School Ministry)
Chuahkehnak: Za He Lian cu Pu Ceu Kung (tleicia) le Pi Tin Tin hna nih an neih mi hna pa pa thum le nu pakhat lak ah fa upa bik a si.
A Cawnnak: College of Biblical Studies in Bachelor of Science in Leadership and Ministry in a dih.
Riantuannak: 2015-16 ah CEBC mino department ah chungtuan a tuan. 2017-18 ah CEBC mino department ah vice- chairman a tuan. 2019-2020 ah CEBC mino department ah Vice-chairman a tuan lio a si.
A Chungkhar: 2019 ah Roada Biak Ttha Chin he Thitumhnak an tuah i 2020 March thla ah Bawipa nih fanu Vivian Mang Tin Dim a pek hna.