top of page

PATOR AANKA 14

Updated: Jun 5, 2022

Volume 14, 2022 (CEBC - Indy) May 29, 2022


TLAK HLAN AH HLEIDONH I ZUAM CANG HNA U SIH!


Laitlang kan um lio ah ka theihmi le ka tonmi

thil phun thum in van langhter ta ka duh.


1.Ngan damnak lei ah midaithlang kan si. Kan harsa tuk ai tiin,Kan zawt tuk hnu le kan thih lai lawng ah sizung a panhmi kan si. Sihmanhsehlaw kan thih ah cun mi docawi zong in thlan siam le ruakhngah a hmangmi kan si. Nun lio ah i daw tung lo in thih ni ah dawtnak thahhla lawh in le phaisa dihnak in langhter aa timmi kan si.


2. Fim cawnnak lei ah mi thathu le midaithlang kan rak si. Fale sianginn kainak ah thazaang pe lem lo in doctor le rian sang a tinh piak hmangmi nu le pa kan tlawm lo. Fale zong nih zeihlei lo,Voi khat cu a pa nih ka fa zeiruang ah taangli kai hi na zuam lo tiah a hal i a fa nih cun taanghra hmanh si tung lo ah ka zuam ti lo a ti diam.


3.Chin ram cu lo tuah in a paw ai cawmmi kan tam deuh. Atheimi nih an chim tawnmi cu thaikeu tha le kumvui tha kan hmuhnak ding ah cun a caan liobak i thlaituh le tuanchuah peng a hau an ti. Pathian thluachuah khimnak hi kan mah nun ah ai hngat ve tiah an chim tawn. Ngandammi, Fa tha hna le thancho cu kan duh dih nain alam dah thiam, teimak le a caan teah thil tuah kan i timh tawnlo caah ka hnulei nun cuan in kan mitthli he kan i chir tawnnak asi.


Indiana state le Perry tawnship miphun le milu dirhmun

No

Miphun

State

Perry Township

1

Asian

2.8%

30.9%

2

Hawaiian or Pacific Islander

0.1%

0.0%

3

Hispanic

13.2%

15.9%

4

Multiracial

5.2%

5.0%

5

Black/African

12.5%

8.6%

6

Native American

0.2%

0.1%

7

White

66.1

39.4%

Kan Phaknak/umnak ram hi,”Land of Opportunity” tiah an khawh mi ram asi. Cucaah nun ziathiam le teima tein atu caan kan ngeihmi caantha hman kan thiam ahcun ram,

miphun nih hngalhmi le cawisangtu kan si kho. Sihmanhsehlaw zeiruatlo in kan nunnak le caan kan liam ter sual ah cun zero ah can sual a fawinak ram asi ve ti hi kan philh lo bak a hau ve.


Khuazei ah dah kan fa le an um? (Gen 3:9)

Pathian nih USA ram ah a kan phakter tik ah nulepa

tampi nih kan chim tam ngai mi cu kan FALE caah kan ra

ti hi asi. Kan fale kong ah phungthluk kan hmuhmi cu

“NIHIN HNGAKCHIA THAIZING HRUAITU” ti asi

caah an biapi hrim ko.


Tu kum hramthok ah Perry township school superintendent le a tuan hawi hna le Chin leaders,pastor hna tonnak ah an kan chimmi cu Indiana state sianghleirun dang hna he zohchun tik ah Perry township school hi kan thangcho ngai tiah lunglawmhnak a rak chim. Thla thum ah voikhai in kan i tong hna lai tiah sawmnak zong a rak kan ngeih.


Thla thum hnu ah ton thannak kan ngei i lungzur ngai in an kan chimhmi cu Perry school chungah electric kuak zuknak a karh ning a ran tuk pin ah middle school tiang a phan cang tiah an kan chimh. Upa deuh pawl nih phaisa kawlnak an hman hna

tiah kan zumh tiah an chim chih.Kuak zumi hna zatuak ah 64 hi kan mah fa le an si tiin an kan chimh pin ah Community, khrihfabu hruaitu hna le chungkhar kip hna he tanti kan hau tiah sawmnak le nawlnak zong an kan ngeih.

Kan community chungah meithal kahnak zong kan ton a tlawm ti lo. Cu nih a langhtermi cu a lam kip in kan him ti lo tinak asi caah kan fale caah ttanlak kan hau chin lengmang ko tinak asi.


Fale hna le nulepa pehtheihnak ah thil biapi thap ‘7’


1. Dawtnak (1 John 4:9-10)

Dawtnak tinco hi mizei poh nih kan duhmi le co kan i ruah

chan dih mi asi. Dawtnak hi kaa in chimmi dawtnak nak

in,temtuarnak le nunpek dawtnak hi chim deuhmi asi tiah

bible nih a kan cawn piak.


Mah taangka huihnak hi dawtnak ti mi nun he a ralchanhmi asi. Dawtnak cu thlachiat a ruat i mi cungah zaangfahnak a ngei. Dawtnak cu a nah a chuak lo, a lung a puam lo i aa porhlaw lo. 5Dawtnak cu tlabulbal in khua a sa lo i amah zawn lawng aa ruat lo; a thin a

tawi lo, palhnak kha aa cinken peng lo. 6Dawtnak cu midang sualnak cungah khan diriam in a um lo, biatak tu ah khan aa lawm. 7Dawtnak cu a lung a dong bal lo, zumhnak a ngei, ruahchannak a ngei, a lung a sau i a thin a fual.(1 Korin 13:4-7)


Dawtnak nih a langhtermi hna hi fale nih an i ngeih dingah chim,cawnpiak si lo in, kan mah tu nih i hruk ding thuamtu asi deuh. Fale hna le midang hi kan mah duh ning in cawnpiak si lo in, an mah duhning hngalhthiamnak he kawmhthiam hi a biapi deuh.


2. Upatnak pek .(Respect)

Bible nih thitumhnak hi nan upat awk asi a titik ah,thianhlimnak le duhning poh sawksam lo khi a sawh duhmi asi.Cucaah kan fale hi hmurka, umtu thutto le nuncan ziaza (thianhlimnak.lihchim lo) te in nun in a cawnpiak tu nulepa si kan I zuam peng a herh.


3. Biaruahnak le biakhiah tinak

Nulepa hna le fale hna hi thutti i biaruah caan hi asi khawh chung in caan siam hi abiapi tak mi asi. Cutin nan tuah lai tinak in zeitindah hmailei kan chungkhar tthanchonak

caah na ruah ve,zeitindah zulh ding phung kan siam lai tiah ruahnak chuahtti hnu ah bia kiahnak siam ti i nulepa he zulhtinak a um tik ah hmual a ngei khun.


4. Biakam ser ah cun tuah bak i zuam ah a tha

Biakamnak kan tuahmi kan tuah lo ahcun lihchim hmang tiah kan fale nih cun an kan ruah caah an kan zumhnak le bochannak a zorter.


5. Conglawmh thiam a biapi.

Kan i thanpi mi zia ah cun mipalhnak remh le chimhhrin poh hi dawtnak sang bik ah ruah asi nain , hi ka ram ah a thangmi kan fale cu an tuah khawhmi hnihchun i conglomhnak nih thazang a pek hna i an hmailei caah an ruah channak a thanter. Church school ah kan fa pa nih phaisa a charmi a ka pek caah hmaiah ka chuahter i lunglawmhnak kut kan bengh piak. A hawi le nih an i cawn cio, a hnu ah cun kan tam

ngai ngai cang.


6. Patian bia tampi in teihter a biapi tuk.

Pathian bia hi atha le acia thleidan thiamnak ah atling bikmi cawnpiaktu asi. Kan fa le hi kaa i cawnpiaknak nakin, an hmuh tonmi tu nih ihmuh chuhnak a ngeihter deuh hna. An hna theih le an mithmuh ah tampi theihter le hmuhter mi nih an thannak tisen ah an i than pi chih caah an zia ah a cang thai.


7. Sianginn le Biakinn ah manh lo ngai in cawlcangh a biapi tuk.

Caan pek hi nun cheuh asi caah manhlo ngai in cawl le khuaruahnak ngeih hi pum cu aba nain thinlung lawmhnak le than thonak a chuah pi. David siangpahrang cu a ral kap hna raltuknak an um lio ah ai dinhnak nih sualnak chung ah a tlukpi i chungkhar ah buaibainak fakpi a chuahter. Kan fale phone lawng an deh le an duhnak poh an pahveih tawnmi khi,nulepa nih kan manhter tuk hna ruangah le kan umpi lo hna ruangah a tam u cu asi.


8. Khrihfabu le chungkhar kan tanti a biapi.

Children Ministry kan fa le hna hi 585 an si. Chimh ngai deuh lo in ruahmi hna hi biaruahnak kan ngeih hna tik ah nulepa nih rian tuan tak tukmi hna le chungkhar dawtnak ti a hal deuhmi lawng te deuh an si hna. Cucaah CM le nulepa hna nih thachiat lei in i lak si loin tanlak le teimak chuah chin lengmangtu a piapi tuk. Kan fale an tlakchiat hlan ah hlei tha tein donh piak tu I zuam cio hna u sih.

30 views0 comments

Recent Posts

See All

Comments


bottom of page