top of page

PASTOR AANKA (Vol. 7)

Updated: Apr 7, 2022

KHRIHFABU CHUNGTEL SINAK ARUANG-2


John Mac Author nih, local church i a rian nganbik pahnih cu, Pathian thangthatnak pek (worship) le vawlei cungah Khrih thawngthabia karhnak rian (mission) hi asi ati. Membership class ah ka chim lengmang mi cu, khrihfabu ah chungtel sinakmembership kan luh tik ah, ka luh hnawh chan hi, local khrihfabu hmang in zeitindah Pathian thangthatnak ka pek ve lai, Pathian hi ka biak ve lai tihi chungtel- member kan luhhnawh chanmi apakhatnak cu asi. Mi tampi nih kan i palh mi cu, Zeibaktuk thazang dah ka hmuh lai? Zeidah ka hmuh lai? Zeitluk in dah kan i hlawk lai? Zeitin dah khrihfabu nih chiatnak, thatnak kan ton tik ah an kan zohning le an kan hramhning asi lai tiin khrihfabu hi kan cuan, kan zoh, kan lut. Khrihfabu cu hmuhnak lei si loin peknak lei in ai thok hmasa mi asi.


Chungtel pakhat nih a umnak local khrihfabu ah Pathian thangthatnak, pumkhomhnak, thlacamnak, a daithlan, a tloh ah cun, aa tinhmi le a luhhnawhchan mi a target a nganh, a kheng loh tinak asi. Culawng si loin, Pathian nih minung a kan sernak a ruang cu a mah he umti ding le a mah thangthatnak petu dingah a sermi kan si. Gen. 1-2. Adam nih a tloh bantuk in nangmah zong Pathian an serhnawhchan mi sinak na tlolh tinak asi ve. Exodus 8:1, Bawipa nih Moses cu athawh i, Faro sin ah va kal law va chim, Bawipa nih, ka mi hna cu Egypt sal an taannak in chuak hna sehlaw, cu ticun kei mah kha an ka (BIAK -WORSHIP) khawh lai ati. Egypt ram in Israel mi chuah an sinak aruang cu Pathian an biak khawhnak hnga caah asi. Satan sal in chuah kan sinak le khamh kan sinak a ruang cu a mah Pathian kan biak khawhnak hnga caah asi ve. Pathian nih ni 6 chung ah rian a tuan, ni 7nak aa din. Ni 7 chung rian a tuan pengmi Israel kha, zarhkhat ah nikhat dinhnak Sabat ni pek an si. A ruang cu hmunkhat te ah Pathian an biak khawhnak hnga caah asi. Sunday kan i dinh mi hna hi Pathian biaknak caah asi. Cucaah zumtu pumpak cio kan nunnak ah a muru bik cu Pathian thangthat le biak, sunparnak pek hi kan nunchan, khrihfa kan sichan, khrihfabu ah members kan sichan 1nak cu asi.


Members kan luhnak a ruang 2nak cu, hi local church hmangin zeitindah Pathian rian ah kai tel khawh ve lai? Zeibantuk in dah Pathian pennak caah ka tuan khawh ve lai tinak caah church members kan luhnak a ruang asi. What is the mission of the church timi catialtu, Kevin DeYoung & Greg Gilbert nih, khrihfabu i a muru bik a mission cu, zumlotu hna sinah khamhnak thawngtha chim le phuannak rian tuan asi i, zumtu asi ciami hna sinah, Khrih hnu zultu tha i sersiamnak riantuan – making discipleship asi ati.


Pumpak in siseh, chungkhar in siseh, khrihfabu in siseh zumlo tu hna sinah Jesuh dawtnak, khamhnak thawngtha, na chim bal hna maw? Na riantuannak ah teh, na kam a tuanmi zumlotu khi Jesuh kong na chim bal maw? Thawngthachim hi pastors le evangelist rian lawng asi loh. Zumtu vialte kan rian asi. Zumlotu miphun dang cu a chim a har deuh sual ah, na fale, na chungkhar, na unau, na miphun hawi sin ah teh na chim bal maw? Na chim bal lo ah cun Jesuh nih an fialmi rian nganpi na tloh tinak asi hnga.


Rev.Dr.Hre Kio nih Pathian rian kum 50 chung ka tuannak ah hin, khrihfabu i chawva peknak ( thawhlawm, cheuhra cheukhat, building, mission tbk) ape pengmi le pastors le riantuantu hna a daw mi hi, khrihfabu i mirum, mingei, mifim timi an si tuk lem loh, hmeinu hmeipa, zapi nih zei rel lem lomi hna an si tawn ati. Nihin ah khrihfabu ah a cawlcangmi hna, chaw le va a pemi hna, a pum peng mi hna, mi a bawm chan mi hna hi, an i manh ruangah an pekmi asi loh! Pathian an tih caah le Pathian an dawt ca tu ah asi deuh. Lamkaltu chan tluk in asifak mi khrihfabu an um loh, asinain an mah tluk in nun asiang mi, khrihfabu caah a pemi an um loh tiah Rev.Dr. Rick Warren nih ati. Chaw le va in pekawk a simi na pekmi vialte, thaa le zaang in nai telnak, fim thiamnak in nai telnak vialte, ministry le cawlcanghnak phunkip i nai telnak le a dangdang in nai telnak vialte hi member na luhhnawhchan chan taktak le vawlei i na nunhnawh chan, Pathian i an serhnawh chan cu asi.


MISSION RIANTUANAK (08/01/2021 UPDATE) CEBC-INDY

  1. Naypyidaw Mission, Field 1:

  • Khrihfabu = Evangelical Baptist Church, Naypyidaw.

  • hokkum = June 21, 2017 (Kum 4)

  • Missionary = Saya U Thein Htun

  • Director = Rev. Hrang Kulh Lian

  • Zumlotu athlengmi = Minung 34

  • Members = Minung 49

  • 01-06, 2021 = Tipil ingmi 13

2. Paletwa Mission - Field 2

  • Khrihfabu = Upper Balaing Baptist Church, Paletwa.

  • Thokkum = August 2015

  • Missionary 1 = Saya Siang Lawm Hmung

  • Tuancaan = 2015 -2018

  • Missionary 2 = Sayamah Biak Tha Par

  • Tuan caan = Sep.03, 2018 – Nihin

  • Members = Minung 103, Chungkhar 20.

  • Khrihfabu chung in minung 3 bible sianginn an kai lio.

  • Saya Naylin hi Dip.Th. a dih cang mi asi. Missionary ah kan hman lai.

  • Biakinn le missionary umnak dot 2 Kyats 15,000,000 dih in kan sak.


3. Rakhine Mission - Field 3

  • Tuannak = PEPADUNG, ANN, RAKHINE.

  • Missionary = Saya Taung Pan

= Asho Chin. Milawngchaung khua, Rakhine State

  • Minung = laimi inn 80, kawlmi inn 40, Zapi inn 120.

  • Thokkum = May 13, 2021

  • Tuancaan = Thla 2



4. Hakha Sizung Riantuannak - Field 4

  • Tuannak = Health Concern Volunteer Group (HCVG)

  • Tuannak hmun = Hakha Siizung

  • Angeitu = HCVG, Hakha

  • Tuancaan = April 2009 - Current

  • Chaplain = Saya Za Hnin Thang

  • Itelnak = HCVG riantuannak ah kumkhat ah a tlangvuak ting 80 -100 tluk in kan tuan.


5. Thantlang Sizung Riantuannak - Field 5

  • Tuannak = Thantlang Health Care Charity (THC)

  • Tuannak = Thantlang Siizung

  • Angeitu = CEBC-INDY

  • Thok caan = April 17, 2018 - Current

  • Chaplain = Saya Thawng Tha Hmun

  • Itelnak = THC riantuannak ah kumkhat ah a tlangvuak in ting 80 -100 tluk dih in kan tuan.



6. Bible Sianginn Kaiter mi hna - Minung 5

  • Khin Maung Oo = Dip.Th -Kum 3nak kai lio

  • Mai Sa Be Point = B.Th -Kum 1nak ( Asho chin)

  • Mr. Khin Win Aung = B.Th -Kum 1nak ( Asho chin)

  • Paletwah field- B.Th = Kum 1nak

  • Paletwah field- B.Th = Kum 1nak

  • Note: Saya Siang

 

Khrihfabu thawngthanhnak

  • UCCF caah nan thawhmi a dihlak $ 38700 asi.

  • August-December ,2021 chung ah CDM movement caah riantuanmi poah nih minung 1 ah $ 50 cio in thawh ding asi than lai. By. CBCUSA- BT

  • August 15, 2021 (Sunday) cun kum 3 – kum 5 kar, Sunday pumhkar ah hngachia umhnak (childcare) zohkhenhnak aum lai. Innleng ah signup sheet aum lai.

  • CBCUSA Centra Area, Bible Conference cu Oct. 01-02,2021 ah ZBC ah tuah asi lai. Subjects pawl: Discipleship & Membership- Rev.Lal Cung Awi, Khrihfabu chung ah zeibantuk Counselling dah an herh- Pastor Thawma, Khrihfa mit in Nationalism & Politic cuanhthannak-Rev.Henry Van Ceu Lian , Khrihfabu nih cozah he aa pehtlaimi Legal Issues kong zeidah theih aherh-Salai Henry Bawi Tha Lian.

57 views0 comments

Recent Posts

See All

Comments


bottom of page