top of page

CEBC PAR

Nawlzulhpengmi Fale Zohkhenh Ning


Fale a ngeimi nulepa paohpaoh nihcun fale cu ttha dih hna seh, hawi sinah teinak hmu hna seh, nulepa le ulenau caah bochan awktlakmi fa si hna seh ti cu an saduhthah dih a si cio. Nain nulepa nih fale an hruai hna ning cungah fale hi tampi an i hngat tawn. Fale hruaining le zohkhenning hih phun tampi a um ko nain atu ii kan zoh dingmi cu Nawlzulhpengmi Fale Zohkhenning cu fale tthannak caah a ttha maw ti a si lai.


Nawlzulhpengmi Fale Zohkhenning cu mirang in Permissive or Indulgence parenting ti a si. A sullam cu nulepa nih an fale duhnak kha an caah a tthat zong a chiat zongah an duhnak paoh kha an zulh peng hna. Phun dang deuhin kan chim ahcun an fale nih zei bantuk an halmi hna paoh kha nulepa nih an el bal hna lo. An fale nih an tuah dingmi a simi zong kha nulepa nih an tuah khan dih tawn hna. Zuldingmi phungphai zeihmanhh an serpiak hna lo. Mah hi cu na tuah lai, mah hi cu na tuah lai lo tiah zeitik hmanh ah an chim bal hna lo. Rian tuah dingmi an pe tuk bal hna lo.


Cun nulepa nih an fale cungah zaangfahnak an ngei. Mah hi ka chim/fial ahcun ka fa nih a duh lai lo, a thinhang lai, asiloah a ka rem lai lo timi ruahnak nulepa nih an ngei. Cucaah fale nih an nulepa chimhmi kha zei ah an rel tawn lo. Cun fale nih an duh lo ahcun nulepa nih an hne in an tuahter thai bal hna lo.


Mah bantuk in hruaimi fale cu an lungfim a har tuk. An nulepa asiloah midang kha an i bochan peng hna. An ka tuahpiak te ko lai, keimah tuah hau lo timi lungput an ngei peng. Cun anmah le anmah hrimhrim zumhnak an ngei kho lo. Cun, zapi sinah an i tlumtla kho tawn lo.


Nulepa nih kan fale ttha hna seh, teinak hmu hna seh ti kan duh taktak ko ahcun an thinhang le an ngaihchiat lai zeitik hmanhhah kan phan lo a biapi ngại. Kan chimhrin hna, kan sik hna, mah ticun thil a si tiah ttha tein kan chimh hna awk a si. Cucaah fale tthatnak ding caah cun an ngakchiat lio tein nulepa nih fale duhning lawngin zohkhenh si loin an caah a ttha dingmi in kan zohkhenh hna ii kan cawnpiak hna ding a si.



37 views0 comments

Recent Posts

See All

Comments


bottom of page